Wednesday, August 15, 2007

小金人擂台賽Day 15:忍術 - 最讓你不能忍受的行為

小金人擂台賽Day15
忍術 - 最讓你不能忍受的行為


=============================
最叫我忍受不了的要算是跟陌生人「交換體溫」。

試想像一下,一大清早,當列車駛進站內時,大家一窩蜂湧進車廂。當你慶幸自己能夠在人多擠迫的月台成功擠進車廂「穩住陣腳」時,冷不防你背後來了一位男士跟你來個肩並肩,背對背。那位男士本身應該非常怕熱,在這天朗氣清、太陽猛烈的炎夏,這位男士才走了不過十分鐘的路,就已經汗流浹背,開始發出陣陣「男人味」。當他把那濕漉漉的襯衣和背部貼向你時,那種黏答答的感覺,再加上那強勁的男人味,實在殺得人一個措手不及。要命的地方在於,車廂就像沙甸魚罐頭一樣擠,不要說移動,就連轉身的空間也沒有,這時你既不能動,又不能把厭惡的神情表露出來 (搞不好他是幫派頭子那怎麼辦?),實在是令人難以忍受。

又再想像一下,在一個掛颱風、大家都趕著歸家的日子,鐵路的服務剛好應付不了。當你正跟在大家在站內等候入閘期間,你身後的陌生男子忽然把身體貼著你的背,還要有意無意的用雜誌啄你的頭。當時站內人頭湧湧,四周也是人,雖然你已經怒目相向,但是那位男子漠視你的怒目,繼續貼著你和用雜誌啄你的頭,難受程度實在爆燈。

10 comments:

紫熊 said...

哈. 我係日本返學個一個月, 咪日日都係咁迫法0羅.

係香港, 我通常搭巴士. 所以好彩好少咁的情形.

紫熊

李小球 said...

紫熊:聽聞日本的鐵路迫夾情況比香港更甚......是真的嗎?
我真係好驚d好大汗的叔叔架,一貼埋黎我就想叫救命。

都係巴士最好~

紫熊 said...

呢篇
http://kumadon.mysinablog.com/index.php?op=ViewArticle&articleId=718105

有講呀.

我通常都鼠係d friend 中間就好d 羅.

aulina said...

噢噢,那次雜誌啄頭的經驗似乎久久未能放開!

李小球 said...

紫熊:我記得日本朋友仔同我講,車站職員係會一手將d人推入去等度門可以成功關上的﹔佢仲問過我香港係咪咁添。佢地今次黎香港要帶佢地體驗一下先得,哈。

aulina: 係......因為真係好痛!! :(
同埋嗰位仁兄真係可以完全漠視我的怒睥架,哼!!

Unknown said...

你下次再有呢d遭遇,你一定大聲叫哎吔,令到佢聽到,怒睥無聲自會理你吖

我都見識過繁忙時搭日本地鐵,迫到唔駛扶野都企得穩。

rice said...

我都驚d 大汗味既,放工一迫埋黎,嘩....
坐巴士好d,如果有得坐的話....

李小球 said...

Gabriel: 好,下次真係要大聲叫先得,而家d人唔多醒目,唔可以再用怒睥呢招。
嘩......咁似乎真係好迫喎......人肉層層疊?

rice: 係呀係呀......聞到真係想暈低咁滯。
不過巴士迫起上黎都唔係人咁品......試過一次架巴士黎遲左,成架車由車頭到車尾都係人,d人繼續迫迫迫,搞勁耐都開唔到車

紫熊 said...

咁我個一個月又唔見有職員推人入去關門喎...

李小球 said...

紫熊:係呀......唔......等我下次再問下我d朋友仔先~