Tuesday, August 21, 2007

這兩個週末我究竟做過些甚麼

八月十一日
八時多起床/繼續因為晚睡被罵/九時出門口去聯邦飲茶/等位/去完洗手間後已經有位/一飲飲到十時半/我家加上舅父家共六人出發去迪尼尼/轉巴士去迪尼尼酒店check-in/上房間去/忽然發現酒店住宿費不包括迪尼尼入場費/驚嚇 + 失望中/跳完床後去游水/游了不夠一小時,不願上水/梳洗過後去迪尼尼園外拍照/打算去迪欣湖/太遠,放棄/坐巴士去好萊塢酒店/大家在商店流連忘返/有四人男子組合在唱歌,唱得很好,好好聽/餓扁了,去了填肚子/回迪尼尼酒店/大家又在商店流連忘返/表妹不斷慫恿我買一支浮誇得要命粉紅色附毛毛裝飾的原子筆/上酒店放下東西/晚上六時半去吃自助餐/不停有卡通人物走來跟我們合照,大家都興奮莫名/食物選擇頗多,味道不錯/吃了很多甜品,飽飽飽飽飽/回酒店房看電視/香港先生選舉,笑爆咀/努力完成《Legally Blonde》/電視不停播Pirates of the Carribbean,一二一二不停重播/凌晨就寢

八月十二日
六時多起來,眼睛睜不開/電視又繼續播Pirates of the Carribbean/七時去吃自助早餐/卡通人物逐一來跟你合照/早餐食物不算多,但味道還不錯/飽飽飽飽飽飽飽/又去商店/好想睡好想睡/上房等check-out/舅父表妹都睡死了/看卡通片/等到十一時,check-out/回家/上網上網上網/六時多吃晚飯/趕去文化中心/暗戀桃花源/繼續呆掉了,笑不出﹔但四周的人笑得很大聲,很討厭/回家

八月十八日
十一時半才起來/梳洗完畢已是午飯時候了/帶著魚眼仔去午飯/沿著深旺道和聚魚道到處拍/終於拍完了魚眼仔內的菲林/到港灣豪庭去/《青頭大根》1&2,《交響情人夢》1-3/快圖美放下菲林,四時半才有得取/去華潤扭蛋,壞機/老遠走到7-11/尚欠要捉Remy的矮小廚師,但多出了三個Colette和一個啡鼠,很傷心/回家去/上網上網上網,漫畫漫畫漫畫/五時四十五分,取相/《交響情人夢》4-18/快圖美曬相爆貴,又忘了吩咐店員要CD,肉在雪雪呼痛/梳洗完畢,出發往九龍灣/生日飯/食物味道不錯,飽飽飽/回家去

八月十九日
八時起床/大老遠跑到屯門母校飲茶/一檯十五人,點心剛放下沒多久就一掃而空﹔之後還要了一堆小吃,很瘋狂/吃了兩小時/跟媽去新墟放下要修理的袋/舅父提議去數碼港/數碼港百老匯/Rush Hour 3,16:05/Wise Kids/好多又好玩又有趣的東西/玩Playmobil,display有氹氹轉和滑板臺/舅父用力過度,一轉就把人仔全轉到地上/Keith Haring鉛筆 + 三個太空人/百老匯/大爆谷 + 荷蘭腸/Rush Hour 3,超爆笑,笑到標淚。不喜歡成龍但這齣片子很好看,最喜歡那個的士司機,好爆/驅車往太古城/Panash/Apita勁掃貨/food court晚餐,不好吃的泡菜豬肉飯/Apita買雪糕,一次買了六杯,藍莓草莓藍莓榛子牛奶紅茶/回家去

6 comments:

紫熊 said...

交響情人夢, 咩有18 咁多架咩? 日劇唔係得12 集咩?

你識車架? 好厲害 (我係方向超盲俠)

我試了叮噹燒啦. 有三粒丸子那個, 主人則試了tiramisu 真的不錯啊! 今日放工又想去買黎食下添.

我的家與我的公司, 距離兩/三個(depends 我上邊個, 通常都三個, 唔會迫唔到上車) 地鐵站咋. 呵. 呢個都係其中一個, 點解我可以做到咁多野又十一點爬上牀的原因. 呵~

李小球 said...

紫熊:佢漫畫係有18集架~~ 劇我都有o係無線睇,千秋王子好靚仔,哈~

我唔識揸車架,開車果個係我舅父,佢邊度都識去,好犀利架~

真係好喇,你覺得好食就好囉~ ^^ 搞到我又想去買黎食喇......:9

公司近屋企真係好事黎架,可以訓晏d又唔使花太多o係交通費上面......你仲要住o係人流暢旺的地區喎,真係交通四通八達呀。

aulina said...

你咁大個人去迪迪尼?????仲以為有細路/自己係細路先去添。 :P

*O* (咁o嘴得唔得架?)

李小球 said...

aulina: 哈哈哈,實不相瞞,其實我都係一個細路仔黎架o乍......=P

果次去住迪尼尼酒店,係因為表妹要去住,咁我地兩個的生日又幾接近,舅母咪請埋我去當生日禮物咁囉

lu said...

迪迪尼酒店依然唔包入場費?(我去時都係唔包,激死我!)有無攪錯呀...

但我聽同事講之前有包過woh...

李小球 said...

lu: 我都覺得好離譜,一間四人大房 (?!) 收你二千幾蚊一晚竟然連入場費都唔包,真係勁過份......:(

唔係呱......如果佢之前真係包過咁而家即係慳皮o者......過份呀~!!!!!