Friday, January 25, 2008

朋友。朋友?

今天中午時份,有個不算太相熟的同學來電問我拿print quota去印dissertation。我校的碩士生每人都有100個免費print quota,同學來電說她的dissertation印錯了,想問我拿80個quota。我一聽時已經打了個突,因為我之前也有用過這些print quota來印功課,大概剩下七十多個吧,如果全給她拿來印的話,我就甚麼都不剩了。於是,我先婉轉地說我只剩下七十多個print quota,可能不夠用。再重覆了數次以後,她便說她還有二十多個剩,應該足夠。最後,我還是自私地以自己會印功課的理由,拒絕了。

事後,其實我覺得有點不安,人家是要來印dissertation的,而且print quota是學校免費分給我們的,讓同學拿去用也不太過份吧。不過,再想一想,今個學期的功課實在太多了,而且將來也不知道能否在公司印,所以我還是預留一點print quota給自己好。

接了這位同學的電話,令我想起一個算不上是朋友的朋友。

那人是大學第二年住宿時認識的,大家是同層,有一段時間大家是很熟絡的,很多時也會一起去吃夜宵,學期完結後的一個月也有常常聯絡。不過,大概自七月開始吧,每每來電她都是問我借錢,借的金額大概由五百元至七百元不等,還說暑期工出糧後就會還給我。由於我為人比較吝嗇,很多時都以沒有提款卡/現金不夠/沒有錢為理由,拒絕了。被我拒絕了不下五次以後,她便沒有再找我了。

接著的學期由於流放到花旗,接觸的新事物多,我也沒有再主動聯絡這個人了。後來出來工作了沒多久,又收到了她的來電,禮貌上還是接聽了。大家吃了一頓飯,一星期以後,她又再來電問我借錢了。這次我又以戶口沒錢,而且自己也處於赤貧狀態為由,一口拒絕了。自此之後,這個人,還在她的電話號碼,便自記憶體中刪除了。

只是想說,我並非順攤又好騙的人,特別是在錢銀利益當前。

6 comments:

aulina said...

其實咁大個人,我都試過一次咁大把借錢俾人,不是一百幾十……結果好彩,收得回來,過程一點都不容易。那次以後,幾大都唔借。除非十元八塊借完也會忘記的那種……

rice said...

我未試過有人擺明借錢,先付錢後收數就試過,好難收...下次點都唔肯
你果個朋友...唔要也罷

Anonymous said...

借錢俾人真係好難收返,我有深切體會,所以免得過都唔好借。尤其係個啲問人借錢一啲都冇唔好意思,開口開得理所當然個種。

李小球 said...

同門:你收得返d錢真係好好彩,話晒唔係一百幾十喎,如果佢唔還你都奈佢唔何。
十元八塊當然冇所謂啦,唔通你冇帶八達通冇散紙坐小巴我都唔借俾你咩 ;)

飯飯:我都試過一次先俾錢後找數,又係搞到鬼咁麻煩......:( 錢呢d野真係不能隨便借......
我已經冇再當佢係朋友啦,連電話都delete埋喇~

瑩:那個人就係好厚顏地問你借錢之餘仲要懶係冇野咁......我真係好想同佢講:你冇野呀嘛......!

紫熊 said...

我總是說, 我借得錢俾個個人, 預0左冇0左呢個朋友. 我試過有一個真係識0左十幾年的朋友, 問我借一千. 我諗0左好耐, 最終都借0左俾佢. 我打定輸數, 預0左佢唔還. 亦冇問冇追, 最終佢都有還俾我. 後來雖然漸漸唔多聯絡, 但佢始終都係我朋友.

其他人, 我都唔會借. 幸好我身邊的人都冇咁的需要.

至於print quota, 我係你, 我都唔會借. 佢真係緊張份功課, 總有辦法. 你話你交晒功課真係有剩就話啫. 個學期都未完, 借咩借. (都話我份人其實好衰格架啦~)

李小球 said...

紫熊:你講得好o岩,一講到錢銀瓜葛就真係朋友都冇得做。如果我真係同佢好熟的可能我都會借俾佢o既,幾百蚊又唔係話真係冇左會餓死,但係佢係做緊part-time都問我借錢囉......所以我唔係太信得過佢......

其實佢話佢print錯左,用剩2x個quota,但係當時我係衰衰地諗,點解佢唔可以落library用要錢的printer印呢......所以我就推左佢喇。
(唔衰,你的答覆令我個心安樂d~ :))