今次我要讚的並不是甚麼全能的偉大的無所不能的__，亦不是甚麼偶像明星，而是......Hi-tech C。
記得自小學四年級起就開始用原子筆了，多年來試用過的原子筆不下數十款，種類繁多，有pilot原子筆（最喜歡那個藍色筆桿，在燈光下會折射出彩虹光的！）、擦得甩原子筆（那個筆咀勁漏墨，還要一大pat地漏﹔那個擦得甩的程度......就像用中華牌鉛筆那粒擦膠的效果一樣）、pilot按掣原子筆、班馬牌真美筆、各類水筆走珠筆.......可能是我寫字較用力吧，走珠筆我通常寫不到一半就因為走珠給卡住了再也寫不出了﹔原子筆我又嫌它有陣墨味，而且筆咀太粗寫字效果欠佳﹔無印的水筆都還可以不過只要一跌在地上就拜拜了......
Hi-tech C一推出時，我這等愛嚐新的人當然急不及待買來一試啦，一試之下，嘩，簡直感覺良好，出墨非常流暢不在話下，最重要的是，這是我第一支可以由頭至尾用完的原子筆！雖然它的售價偏高，而我已盡量只買替芯更換就算了，但是它的確比其他售價較平的筆好用及耐用（最歷史悠久那支是coral red，由中三開始用到現在）。
最神奇的是，雖然Hi-tech C的筆咀非常幼（我現在用0.4mm的），但卻非常強韌，試過有一次把筆掉在地上，筆咀彎曲了，但卻依然能寫，還能寫到最尾。所以去花旗流放的半年我大手入了兩盒以備不時之需，外國同學們見到都覺得好好寫，還問我可不可以送她一支......
自從用過Hi-tech C之後，我再也沒有買過其他牌子的筆自用了......
8 comments:
我...我一直都係用pilot，大概已經習慣了...
和你相反，我一直很討厭用水筆呢! 現在家/辦公室大概有一打藍/黑色的pilot 按掣原子筆吧...
我都係HITEC-C的長期用家，由中二三到而家上堂溫書間notes都仲用緊，而且都係用0.4mm，粗幼度剛好。不過我都用過0.3mm，但太幼，而且寫係未全乾既塗改液上面會塞墨咀，0.5mm則太粗，和用原子筆寫出來的沒兩樣。而且唔跌筆的話係超耐用，試過平時用量少的話用上兩三年，墨沒有變質，仲寫得出。
但係最初HITEC-C出個時全部都係日本貨，而家大部分應該係國貨掛，但quality冇點變。雖然真係好好用，但有一個樣衰，就係寫野落用過塗改液既紙上係會少少化的，不過呢樣又係大量啫喱筆既問題黎。
我諗我之後都會繼續用佢，直到佢唔出又或者有樣更好既。
yan: 那......我寫字太大力了，用pilot的話墨水去不到一半就會報銷了，不能太浪費嘛......
pilot按掣原子筆我司也有兩打在，算是我司的文具中比較好用的。
Johnny仔：yeah~ 俾個五你~
當年hi-tech c一出的時候我就開始用到而家了，都用左好耐喇，我覺得都係0.4mm最好用，0.3mm真係太幼了，同埋筆嘴易拗彎，唔太適合我呢d笨小朋友......
用量少的話可以用好耐好耐架，d墨都仲ok喎~
我覺得而家的hi-tech c藍黑兩色的質素比較穩定，色筆就參差d，試過買支新的返黎寫唔夠兩日就拜拜了......
我諗都唔會太大機會出支更加好用的了，睇怕我都會繼續用hi-tech c用返十年八載~
擦得甩原子筆真係漏墨漏得超勁囉...
原子筆我又係成日都用唔盡，但又冇諗過係唔係寫得太大力既問題喎，原來有關係既咩？？
HI-Tech C其實都比較少用，中學果陣用過0.3mm，覺得勁幼好難寫囉，又貴，個筆嘴又好似好硬咁，所以都係鐘意用jelly筆多d...
長期用家報到~呢隻筆係我會考到高考到搵工到而家讀日文既長期戰友耶﹗
普通0者0里筆好易化…啲墨又去得快…唔鐘意的說…
同埋我係大力寫字人，因為呢款筆筆尖幼細…又相對較貴…係唯一一款我會鍚住來寫的筆…唔知係咪心理作用，硬覺得呢款筆寫得我手字特別靚…
Hi-tech C我好像沒用過的說
以前多數用三菱那款 "Signo" o者o厘筆，現在用無印的原子筆，頗好寫
我很少用hitec-c，因為嫌其太幼，而且有試過跌落地之後個筆頭"mer"左...
現在較少用o者哩筆
要買我就買無印，不過無印的有時會過底
ps. 乜唔係咩筆掉落地都唔用得的嗎，睇你邊邊落地之嘛...
kitb: 冇錯，仲要整到本功課簿核核突突咁，唔鍾意，用完一支就拜拜了。
我覺得係，支支原子筆都係咁死o係我手上仲唔係......
0.4mm我覺得最適中，我就係貪佢筆嘴夠硬跌落地都仲寫得呢~
冰子：大家咁話，佢一出我就用，簡直係忠心粉絲，哈。
咁我又冇錫住黎寫喎，不過佢好襟用就真o既，同埋.....寫出黎d字係靚d架，嘩哈哈~
Guy: Signo我都有用過，都幾好，我嫌佢筆嘴太粗o者。
無印的原子筆......都一樣俾我寫壞了......囧
飯飯：我反而鍾意佢幼幼地喎，個筆頭歪左都可以繼續寫架......
無印的水筆真係會過底，我而家用緊moleskin的schedule，d紙咁厚都照過，強。
p.s. 唔係喎......hi-tech c生還機會係極高咕喎，筆嘴彎左都寫得出架
Post a Comment