Wednesday, April 16, 2008

假如我明天變成核突佬一件......

請記住,係 核。突。佬。一件,而唔係普通男一件。

(1) 咁我咪唔可以再戴紅膠框要戴黑膠框?

(2) 咁我咪唔可以再因為自己的幼長手指而自豪?

(3) 咁我咪唔可以成日換袋,又或者帶袋出街?

(4) 咁我咪唔可以再玩Loco Roco,要打三國無雙?

(5) 咁我咪唔可以再換耳環?

(6) 咁我咪唔可以去扭cutie扭蛋?

(7) 咁我咪唔可以再熱愛陳醫生,去睇佢演唱會時狂fing狂跳狂唱狂嗌?

(8) 咁我咪唔可以再用我支迷你版米色墨水筆?

(9) 咁我睇苦情戲傷心書的時候咪唔可以再喊?

(10) 咁我咪冇藉口朝早起身去洗手間時再瞌多陣?

(11) 咁我咪唔可以再買鞋襯返工衫?

(12) 咁我咪唔可以再剪bob頭?

(13) 咁我咪唔可以再叫自己做小球?

(14) 咁我咪唔可以再買浮誇飾物?

(15) 咁我咪唔可以著單帶birkenstock?

(16) 咁我d腳指以後咪唔會起枕?

(17) 咁我咪唔可以用出奇順滑的洗頭水?

(18) 咁我咪唔可以再鍾意食士多啤梨味雪糕?

(19) 咁我咪唔可以再用我支Gucci Envy me或者YSL baby doll?

(20) 咁我咪唔可以再用玫瑰花味hand cream,甚至連hand cream都唔用得?

(21) 咁我咪唔可以再用士多啤梨味雜果冰?

(22) 咁我咪唔可以再去化妝counter買野洗面搽面?

(23) 咁我咪唔可以再戴我隻玉鈪?

(24) 咁我去茶記咪唔可以飲凍朱古力?

(25) 咁我咪唔可以再食二佬?

(26) 咁我咪要成日都覺得自己勁過千秋王子然後自我感覺良好?

(27) 咁我咪要鍾意睇波?

(28) 咁我見到曱甴咪要踩?

(29) 咁我咪要覺得史小姐好有文采好有氣質、T小姐好可愛、lady K好搖滾好女王、江大眼好清純、法拉suki好索?

(30) 咁我咪要用髮泥整頭?

(31) 咁我咪要拎重野?

(32) 咁我咪要隊啤食花生?

(33) 咁我咪要留鬚?

(34) 咁我咪要舉鐵?

(35) 咁我咪要知少少扮代表?

(36) 咁我咪要留長尾指指甲?

(37) 咁我咪要識得放飛劍?

(38) 咁我咪成身臭汗味?

(39) 咁我咪可以戙高腳同埋un腳?

(40) 咁我咪可以食完飯用紙巾以外的野抹嘴?

(41) 咁我咪可以咁去戲院睇A片?

(42) 咁我行路咪要外八字腳?

(43) 咁我咪要日日都著褲?

(44) 咁我咪要添置阿伯多袋背心阿伯短褲阿伯涼鞋?

(45) 咁我咪可以名正言順地講我笑__?

(46) 咁我咪要以娶呢種超級無敵十全十美的靚女做我老婆為目標?

(47) 咁我個超級無敵勁靚女老婆生左個仔之後我咪要送佢去藝人訓練學校做明日之星,一嘗做星爸嗌下「唔好影!唔好影!」的滋味?

14 comments:

Anonymous said...

(24) 咁我去茶記咪唔可以飲凍朱古力?

為甚麼?

yan said...

乘機抽水....

另...後面(32以後) 果d 真係唔係個個男人做得出囉..

Unknown said...

佳:凍古古力一向都被視為小孩子飲品架…

我鐘意要視幾大美女為美女…真係核突佬最慘的最慘…

Anonymous said...

「凍古古力一向都被視為小孩子飲品架…」

囧rz...

blue said...

而家咪係校突佬一件囉...

lu said...

但係我隔離個男同事會用jurlique薰衣草handcream同搽潤脣膏ga boh...

紅色膠框我好似都有見過男子戴過...

是現在的性別行為越來越模糊...還是,其實你本來就不是很女生 :P *速閃*

blue said...

我想話你搞錯_
應該係超級無敵勁靚女呀!

紫熊 said...

你漏了最重要一點, 你要以為你係型男, 你要expect 我會留言話你好英, 你好型. XDD

Anonymous said...

Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Notebook, I hope you enjoy. The address is http://notebooks-brasil.blogspot.com. A hug.

blue said...

子大
仲有"你好叻呀~"

XDDDD

Anonymous said...

哈哈哈哈
超爆笑!
唔得閒睇blog一排
原來又有新野玩~

李小球 said...

Guy: 凍朱古力係女仔同埋小朋友飲的,核突佬飲凍朱古力會俾麻甩佬笑架!

yan: no no no,我只係冇野搵野搞下o者~
所以咪要講明係核突佬囉~ ;)

冰子:呢個簡直係男人~最痛算這種囉 XD

blue: 一次過答晒你啦~
(1) 原來我都幾有潛質做核突佬
(2) 改左喇,o岩唔o岩心水呀?
(3) 「你好叻呀~」 呢句野其實我都唔會隨便預左人同我講囉 XD

lu: 咁證實左你同事唔係核突佬囉 XD
(講開,我覺得我有時都幾man XD)

紫熊:卡卡卡卡卡卡,雖然我核突但係我都仲有少少自知之明的 XD

kitb: 呢個簡直係無聊時的最佳娛樂,你又玩下啦~

rice said...

核突佬都冇你咁核突!

李小球 said...

飯飯:唔夠核突又點可以叫自己做核突佬呢,呵~