Sunday, April 20, 2008

我係港女,所以......

(You know,我係一個mix,English is my mother tongue,我啲Chinese唔係咁perfect,所以please唔好misunderstood what I mean by港女。You know,我本身都係一個港女......乜唔係所有living喺Hong Kong的ladies都係港女咩?)

(1) 我。靚。爆。鏡。就算你覺得我唔係我都會覺得自己靚。爆。鏡。

(2) 我鏡不離手。

(3) 我無時無刻見到可以照到個樣的野都要照一照。

(4) 我整gel甲。Gel甲越長越好,甲上面的貼紙閃石花款越多越好。

(5) 所有野都要bling bling,唔該手提電話NDS電子辭典PSP波鞋全部同我黐晒閃石!

(6) 牛仔褲全部都要低腰,越低越好。

(7) 裙當然要係迷你裙啦,膝頭對上三吋就認真perfect!

(8) 熱褲當然不可少,唔係點show我條靚靚長腿呀!

(9) Leggings係我的恩物。我可以著咩都襯到leggings。

(10) 我一定要著有花紋的黑色絲襪。

(11) 高跟鞋係我的每日必備,對腳真係發出抗議喇喎咪著一吋跟的尖頭鞋囉﹔都係唔得咪ballerina囉,再唔係converse囉,都係唔滿意喇喎人字拖啦咁得未呀!

(12) 我鍾意人地話我似日本妹。不論係個look定係個樣。

(13) Lorry cap我屋企有廿頂,全部都係von Dutch的。買咁多做乜?要嚟襯衫囉!

(14) 手袋一定要用名牌,當然最好都係"air奴we"或者「姑池」的"芒奴gram"啦,雖然「趴打」或者「喵喵」都勉強可接受,衰在個牌子名唔出囉。

(15) 我每日出街都要戴大眼仔。

(16) 我每朝都要化妝,特別係睫毛液,一定會掃足三十層先出街。真係太趕時間喇喎咪用假眼睫毛再掃多廿層mascara囉。

(17) 我心目中的理想look係Theresa的髮型化妝衣著再加江若琳的美麗大眼睛。最好好似Stephy咁有氣質有文采,又或者必要時可以好似Kary咁搖滾。

(18) 我而家留住一把齊陰長曲髮,淺啡金色的。要我剪左把頭髮佢?No way!

(19) 我男朋友係年青有為的靚仔才俊,返工返IFC,秒秒鐘(幫人拎住)幾千萬上落(樓)架!

(20) 為左襯返佢(同埋睇實佢),我當然要o係IFC返工做秘書姐姐啦!

(21) 我知道全公司,甚至全香港的男人都對我有意思,不過我係唔會理佢地架!我已經有男朋友架喇!

(22) 當然,佢地得閒送下野俾我請下我食飯我都唔介意間中同佢地flirt下嘅!唔係邊有話題同啲姊妹細聲講大聲笑呀!

(23) 我最鍾意講電話,雖然個plan有八千分鐘但係我個個月都爆分鐘。

(24) 我部手機除左閃石之外仲有一大抽電話繩,當然唔少得一條「姑池」電話繩啦。

(25) 減肥減肥減肥減肥減肥減肥減肥減肥減肥減肥減肥減肥減肥減肥減肥減肥減肥減肥減肥。

(26) 所以我食野會計卡路里,甜品除外。

(27) 我join左加州體育會的membership,一年去跑過兩、三次跑步機咁啦。

(28) 我鍾意食低脂薯片飲coke zero。

(29) 同男朋友出街食飯我淨係會叫沙律,點解?因為我男朋友一定會醒醒定定叫多幾樣主菜等我貪得意分一半試下囉。

(30) AA制?咩黎架?未聽過喎!

(31) 我男朋友真係好了解我,佢知道問我想食乜我答佢「冇所謂」的時候並唔係真係冇所謂囉,佢知道我心裏面已經有心水不過我係想睇下佢知唔知道之嘛。

(32) 做得我男朋友大小時節都一定要記得,送禮食飯梗係不可少啦。試下唔記得丫嗱,哼!

(33) 情人節有拖拍冇花收的話我不如死左佢好過啦。送親坐底要送999支囉,唔係點威俾隔離team個衰格秘書睇呀,下!

(34) 我最鍾意自拍。影相一定要側側地頭三七面嘟嘴V字手勢,影全身的話踢起埋隻腳就夠晒可愛兼perfect喇。

(35) 每個月總有幾日要發下小姐脾氣。幾多日?不少於一日又不多於三十一日囉。

(36) 我個手袋好鬼死重架,我又唔想整花我啲靚靚gel甲喎,咁梗係要俾男朋友拎啦,就算細到好似手掌咁大都要幫我拎!

(37) 喺公司去親洗手間我都一定會搵Amy、Judy同埋Betty陪我去。

(38) 雖然我去旅行唔鍾意跟團但係你唔使旨意同我backpack呀,冇五星級酒店頭等來回機飛再加一日三餐食好野兼有專車接送你唔使旨意我會去呀!

(39) 大熱天時我出街前一定會搽定SPF1300的防曬兼一定要擔遮。

(40) 約我食飯去茶餐廳大排檔?你想死頂喇!

(41) 美白is everything。我要白。白。白。白。

12 comments:

aulina said...

我係女人都覺得你咁極品,唔追唔得呀同門!

yan said...

姐妹! 我地結伴橫行mk 吧!!

Domotoiceko said...

SPF1300<--請問邊度有得賣?

Rice said...

果然好爆,恭喜你成為港女!!!

青小鳥 said...

這好好玩啊,
我們沒有港女這個詞
不過有「公主病患者」
感覺症狀有點像啊~~
我也來寫個台灣版的「我有公主病,所以...」好了,噗哈~~

kitb said...

哈哈哈哈哈
撞鬼
超好笑
我都想寫港女架
不過未有時間....~__~

瑩 said...

果然好掂啊!超級無敵勁搞嘢啊~ XD

uncle ray said...

我不明白點解D人咁鐘意穿低腰褲,無論有無肚腩都係。

李小球 said...

同門:呵呵呵~ 當然囉我係美麗的港女嘛~ 質素當然高囉~ XD

yan: 好姊妹!我地幾時去行街shopping整花甲呀~

冰子:咦乜你都想一直變白晒亦得得左呀?

飯飯:呵呵~ 多謝~ 我要去加長d花甲獎勵下自己先~

青小鳥:對啊~~~ 這個「假如我是」系列是充滿娛樂性的,你也要玩一下嗎~~~

kitb: 你怏d開動啦開動啦開動啦~~

瑩:哈哈哈~ 多謝啊~ 原來寫女仔易寫過男仔的 XD

Uncle Ray: 呢個我都唔知喎......惟一解釋就係潮流囉,總之興就得架喇

chuboy said...

有無咁極端呀港女姐姐 XDDDD

Anonymous said...

睇完之後好想扑尻妳...

Anonymous said...

黑色絲襪勁核突