Friday, April 04, 2008

一次過吃下十三種味道的感覺

雖然已吃過晚飯,但看見這麼多朱古力向我招手,還是忍不住要試一下。



本身比較偏好牛奶成分較高的朱古力,白朱古力我可是吃得非常高興的。

(以下超短評以吃的先後次序列出)

Strawberry and Yoghurt: 最喜歡的口味,酸酸甜甜,很香士多啤梨味,內裏有點脆米類物體,吃下去口感更好。

Dark Milk 40% Cacao: 濃味,有種黑朱古力那種微酸微苦的味道卻不過火。

Fine milk with chocolate mousse: 勁濃味,但味道有點像白朱古力。

Alpine milk: 比普通的牛奶朱古力要甜要奶味重。

Nougat: 很香果仁味但頗甜。

Hazelnut white: 是榛子系列中最好吃的,雖然甜但榛子令定比普通白朱古力好吃。

Ganze mandel: 味道普通,沒啥特別,不過杏仁很香脆。

Raisin and hazelnut: 提子乾減輕了朱古力那甜膩的感覺。

Hazelnut: 同屬榛子系列但我比較喜歡白朱古力那款。

Hazelnut dark: 很濃朱古力味,有果仁更有咬口。

Cappuccino: 有少許咖啡味但偏甜。

Dark Cacao: 很硬,很濃朱古力味但不會過苦或過酸。

Fine dark 71% cacao: 很硬,很濃味卻不苦澀。

整體評價:

(1) 白朱古力系列比黑朱古力系列好吃。

(2) 白朱古力比其他品牌的甜度稍輕,奶味亦重些。

(3) 黑朱古力比其他品牌的沒那麼苦和酸,亦較甜。

7 comments:

blue said...

士多啤梨個樣咁cute...真係估唔到都ok
我一向最鍾意黑古古力, 但係佢有幾隻黑古古力d味落糖重手左, 甜左d
反而白朱又唔係想像中咁甜死人喎.

Domotoiceko said...

上星期我鼻塞到食乜都無味…完任唔記有乜分別…係記得好甜…orz

Rice said...

我反而不喜歡普通牛朱系的好像有提子乾和hazelnut的,朱古力不香,又過甜
黑古力都有少少偏甜,不過較香
反而alpine milk 同白古力hazelnut幾好
果隻strawberry yoghurt 幾好,酸酸地,不過係冇古力味...

yan said...

噢....估唔到寫果個係你呢!

呢隻野係估你唔到的, 白朱竟然無某幾種黑朱咁甜...

一次食得太多味...我已經唔記得左邊隻打邊隻了...

aulina said...

我又嚟攪對抗,strawberry果隻我唔ok呀……朱古力要苦的嘛...

lu said...

strawberry我都唔得,可能我本來就唔中意sb...

極黑係食左第三秒就極速變酸.失望.

我尋日去左深圳,居然都見到d朱古力boh.. RMB16.8一排.有cornflakes(? 黃色包裝)個隻架!

李小球 said...

blue: 士多啤梨呢個酸酸甜甜,真係好好食~
我一向都鍾意白古力,所以呢個牌子的白古力食得我好開心~~

冰子:我食到咁上下都開始食到麻木了......

飯飯:(其實我鍾意提子乾係因為一次過食得太多覺得好滯......)
我都鍾意alpine milk同埋白古力榛子,奶得黎又唔過甜~

yan: 因為冇野寫丫嘛,咪寫下囉 XD
白古力原來係最好食的系列......真係失覺晒。
我要邊食邊飲水邊記得先知道自己食緊咩味o乍

同門:呢d邊係對抗呢,我地和而不同的嘛嘿嘿嘿~
我就黑古力白古力都鍾意~

lu: 都話我係鍾意奶味重的古力架啦~
我覺得佢越黑嗰d越硬囉唔知點解......
估唔到連深圳都有喎......