A: 其實我好鍾意陳奕迅架！
B: 我都係喎！陳奕迅係惟一一個歌手我會將佢啲歌由頭聽到落尾囉！
A: 咩叫由頭聽到落尾先......
B: 即係由舊至新所有歌都會聽囉！你有冇聽過《綿綿》丫？
A: 《綿綿》咁hit唔係冇聽過呀嘛！咁到我問你喇，你有冇聽過《兩名男子街頭相遇》丫？
B: 吓咩歌黎架？新架？
A: 梗係唔係啦！英記時期《The Line-Up》架喇喎！
B: 吓？咁隻碟入面仲有咩歌呀......
A: 《明年今日》、《人來人往》同埋《隨意門》囉！
B: 國語定係廣東話黎架？
A: 梗係廣東話黎架啦！
B: 其實我鍾意《時光倒流七十年》架
A: 哦.....《時光倒流二十年》呀嘛，邊有七十年咁耐呢？呢首我都鍾意架。咁《粵語殘片》你聽過未呀？
B: 《粵語殘片》？
A: 好新架喇喎，咁《Last Order》呢？《謊言》《真相》呢？《第五個現代化》呢？
B: （打斷）呢個有聽過......
A: （再打斷）咁《貝多芬與我》呢？《當這地球沒有花》呢？《熱帶雨林》呢？新啲嘅《16月6日晴》呢？丫仲有《對不起謝謝》呢？
B: ......丫其實《時光倒流七十年》我一聽就鍾意架喇，（唱）童年你與誰度過，白色恤衫灰褲子，再穿一穿可以麼......好似唔o岩喎
A: 係「童年你與誰渡過 聖詩班中唱的歌 再哼一哼可以麼 當時誰與你排著坐 白色恤衫灰褲子 再穿一穿可以麼」呀
B: 係喎呵......丫其實呢你平日得閒會做啲咩架......
5 comments:
當掟壞人都屬清淡食物時，我覺得令友和閣下的價值觀、各種觀點與角度都存有莫大的差異…
即係呢，佢對忠粉既定義與我們不一樣，所以唔識《兩個男子在街頭相遇》不代表佢唔夠忠囉﹗
B是新認識的朋友? :P
忠粉大測試: 有無聽過《當柴灣愛上荃灣》(我覺得你應該都有既...)
唉...換唔到飛(完全係我豬左),好唔高興 :'(
我們要攪一個陳醫生忠粉大測試嗎？
冰子,我地邊到夠小球黎呀....
冰子：我覺得我不能夠再同佢成為朋友了......真係大家係咁先囉。
嘿，叫佢算吧啦，竟然走去扮忠粉，真係丫。
lu: 不是啦......他就是奇人了。
《當柴灣愛上荃灣》我有聽過啊，係《貝多芬與我》的前身來的！呵~
兩位，忠粉大測試我係後華星時期先得架o乍......華星時期我唔夠冰子黎的......
Post a Comment