眼殘（還是腦殘？）

見博友說到眼殘，其實星期二的時候發生了一件很糗的事......（拜託當事人千萬不要闖進來！嗚......）

話說得到某表妹的老細慷慨贈票，星期二去了看拉闊音樂會（坐在紅區正中耶！開心~~）。由於我當天才北上完回港，所以事前跟某表妹取了票後就各自各去會場。

去到會場坐好後在玩手機打發時間，見過了八點十五分鄰座還是沒人坐，心想會不會是某表妹病得太重於是不來了呢？大約到了八時三十分，見到一名少女匆匆在鄰座坐下，正想八卦偷望少女的樣子，該名少女竟然跟我說話！

我在心裏大叫：「吓我識你架咩咩咩咩咩？」

可能是該名少女見我一臉疑惑，又再開口：「我話我病到失咗聲呀......」

過了五秒，再看清楚一點，原。來。正。是。某。表。妹。囉。

黑暗中對話 Dialogue in the Dark

早前應某十月之星的邀請去了黑暗中對話體驗館作體驗。

整個體驗大概為75分鐘，一組最多八人（我們組就有七人），把隨身物品放進儲物櫃後就可以開始體驗。進入體驗館前工作人員會分給我們一人一支手杖，還會簡單說明如何使用。進入體驗館後，全程會有導賞員引導我們在伸手不見五指的環境下體驗不同場景。

在完全看不到的環境下，我們就只能靠耳、鼻、口、手和腳去獲得附近環境的資訊。在體驗期間，我們會不停說話以作定位，也會不停擺動手枚看看地上有沒有障礙物（於是會經常打到附近的人 XD），亦會不停伸出手去觸碰附近的人/物。

導賞員在體驗期間可說是我們的「盲公竹」，我們會根據他的指示在體驗館內四處遊走。在這個黑暗的環境中，導賞員簡直就像戴了夜視鏡一樣，完全能準確地知道我們所在的方位，在傳遞及接收物件時更能準確無誤地將物件遞到我們手上，或從我們手上接收，實在是太神奇了！

感謝當日的導賞員Alex的用心指示和講解（他的聲音很好聽！）。

撩阿婆 (II)

承上文，有博友留言說可能我舉的例子太新潮，阿婆未必喜歡，於是昨晚趁晚飯又再展開以下對話：

我：（突然亂入）咁謝賢靚唔靚仔？
婆：後生時就靚仔，而家老咗就唔靚仔喇，紮住條辮肉鬼酸酸咁。
媽：咁人地老啦嘛。
婆：佢老婆狄波拉就幾靚女，老咗都靚。而家肥咗好多呀。你嗰日有冇睇電視呀，佢好老咁喇。
我：咁佢個仔呢？
婆：佢個仔唔靚！
我：佢個仔喎，謝霆鋒呀。
婆：我認得佢個樣但係唔知佢叫咩名。都唔靚仔，老豆後生時靚仔啲。
我：咁佢個孫呢？
婆：唔識喎......
我：胡楓呢？
婆：唔靚仔。

電視剛好在播李克勤的廣告......

媽：咁李克勤呢？你問佢李克勤啦。
婆：（搶答）幾靚仔丫。
我：頭先電視嗰個喎。
媽：佢識李克勤架。
婆：李克勤幾靚仔呀。
我：咁林峯呢？
婆：唔識喎......
我：你睇警察嗰齣呢，三哥個手下呀。
婆：邊個呀，唔識喎

撩阿婆 (I)

遷入極地後，其中一個好處就是跟阿婆（就是我娘的阿娘啦）住得近了，可以三不五時跟阿婆一起吃飯聊天打牌......

上星期五放假，在阿婆家那邊午飯，電視正在播放XX掃毒的預告，於是跟阿婆展開以下對話：

我：婆婆你有冇睇呢套？好唔好睇？
婆：麻麻地啦，好暴露嘅，捉賊又係佢，運毒又係佢，咩都係佢。
我：好暴露？
婆：係呀，捉賊又係佢，運毒又係佢，咩都係佢。
媽：暴力呀。婆婆佢鍾意睇啲勾心鬥角架。
我：哦即係你鍾意睇劉松仁？咁劉松仁靚仔啲定阿公靚仔啲？
婆：（堅定）劉松仁都唔靚仔！！